Rifter taldea 2006ko apirilean sortu zen Iruñerrian. Taldea osatzen duten lau taldekideak, talde ezberdinetan egon arren, hauek utzi, eta musika gogorra jotzen hasi ziren; metala, rock doinuak uztartuz. Arkaitz Zudaire (kitarra eta ahotsa), Manex Azkona (beste kitarra), Mikel Viguria (baxua) eta Asier Zudaire (bateria) osatzen dute laukotea.

Taldea jolas bezala sortu zen eta gutxinaka gauzak egiten ari dira. Taldekideen gustu musikalak desberdinak izan arren, abesti guztiak lauen artean egiten dituzte eta ongi islatzen dute beraien abestietan beraien arteko desberdintasunak. Horrexegatik ez dute beraien musika estilo zuzen baten barruan dagoenik, denetarik egiten dute, hori bai; beti ere musika gogorra egiten. Musika kareta moduko bat baino ez da, azken batean egoera politiko-sozial ezberdinak salatzen saiatzen dira sortutako musikarekin bat eginez. Euskal Herrian zein mundu osoko egoera ezberdinak salatuz, beraien iritzia islatzen dute. Gai ezberdinak jorratuz: politiko, sozial, erlijioso, ekonomiko,…

Lehenengo maketa kaleratu berri dute MusikHerria diskoetxearekin. Haiek, herri diskoetxe honen ideiekin bat eginez, MHrekin kontaktuan jarri eta arazorik gabe maketa kalertau dute.

Kontzertuak eman arren, Nafarroatik orain arte ez dira atera baina espero dute laster EH-ko beste lurraldeetan kontzertuak jotzea.

Maketa atera, eta denboraldi baterako kontzerturik eman gabe egongo dira ikasketak direla eta. Urtarrilean Arkaitz Florentziara joan zaigu 3 hilabetez praktikak egiteko, eta bueltatu bezain laster Manex Txilera abiatuko da ikasketengatik uztailaren amaiera arte. Beraz, abuztuan berriz laurak elkartuko gara proiektu gazte hau aurrera eramateko.