Txime eta besteak askatu!
2009-04-07
Pasa den apirilaren 2an Txime, Xopapo taldeko baxulari oiha eta MusikHerriako kidea, eta Dabe atxilotu zituen Espainiako Poliziak Gasteizen eta epailearen aurretik pasa ondoren Txime espetxean aurkitzen da. Aste berdinean beste zortzi gazte atxilotu zituzten Hernanin eta Urnietan, guztiek ere tratu txarrak salatu dituztelarik. [info+]

Amnistiaren Aldeko Mugimenduaren informazioa:
Pasa den asteartean Hernanin eta Urnietan atxilotu zituzten Asier Olano, Txaber Zabaleta, Aitzol Arrieta, Egoitz Balerdi, Jon Ezeiza, Eki Oņate, Mikel Gartzia gazteak espetxeratzeko agindua eman du Baltasar Garzon epaileak. Iņigo Alzelai gaztea libre gelditu da 10.000 euroko bermea ordainduta.

Gasteizen ostegunean atxilotu zuten Oier Urrutia ere espetxera bidali dute eta David Hernandez berriz aske utzi dute baldintzapean.

Guztiek azaldu dute inkomunikatuak egon diren bost egunetan tratu txarrak jasan dituztela. Adierazi dutenez batez ere Donostian egon zirenean kolpeak, mehatxuak eta presio handiak jasan zituzten deklarazio poliziala egin zezaten. Momentuz ez dugu tratu txarren inguruko zehaztapen gehiagorik baina atxilotuetako lauk epailearen aurrean salatu dute tratu txarrak jasan dituztela.

Atxilotuetako batzuk ez dute deklaratu nahi izan epailearen aurrean eta beste batzuk aurrez egindako deklarazio poliziala eta egozten zaiena ukatu dute.